خان شہزاد:  رمضان المبارک کی آمد کے ساتھ ہی چینی کی قیمتوں میں بڑا اضافہ دیکھنے کو ملا ہے، دو روز کے دوران 50 کلوگرام چینی کا تھیلا 400 روپے مہنگا ہو کر 8 ہزار روپے کا ہوگیا ہے۔

ہول سیل مارکیٹ میں چینی کی قیمت 160 روپے فی کلو جبکہ پرچون میں یہ 165 سے 170 روپے فی کلو کے درمیان فروخت ہو رہی ہے۔

 رمضان کے قریب آتے ہی چینی کی قیمتوں میں اس اضافے نے شہریوں کی پریشانی میں اضافہ کر دیا ہے، بکہ عوام مہنگائی کے اس بحران پر حکومت سے فوری اقدامات کی درخواست کر رہے ہیں۔