(مانیٹرنگ ڈیسک) پاکستان تحریک انصاف نے پنجاب اور خیبر پختونخوا اسمبلیوں کے انتخابات سے متعلق سپریم کورٹ کے فیصلے کو آئین اور جمہوریت کی فتح قرار دے دیا ہے۔
سپریم کورٹ کے فیصلے کے بعد پاکستان تحریک انصاف کے رہنما فواد چوہدری ٹوئٹ میں کہا کہ سپریم کورٹ کے واضح احکامات آگئے ہیں، آئین اور پارلیمانی جمہوریت کی فتح ہوئی ہے۔
آئین کی فتح ہوئ پارلیمانی جمہوریت کی فتح ہوئ،سپریم کورٹ کے واضع احکامات آگئے ہیں پنجاب کے انتخابات کی تاریخ صدرمملکت دیں گے اور خیبر پختونخواہ کے گورنر کوفوراً تاریخ دینے کا پابندکردیا گیا ہے جن جج صاحبان نے اختلاف کیا وہ بھی الیکشن 90 دن کے اندر کے اصول کو تسلیم کرتے ہیں
— Ch Fawad Hussain (@fawadchaudhry) March 1, 2023
فواد چوہدری نے مزید کہا کہ پنجاب کے انتخابات کی تاریخ صدرمملکت دیں گے اور خیبر پختونخواہ کے گورنر کوفوراً تاریخ دینے کا پابند کردیا گیا ہے جن جج صاحبان نے اختلاف کیا وہ بھی الیکشن 90 دن کے اندر کے اصول کو تسلیم کرتے ہیں۔
آج کا فیصلہ جمہوریت اور آئین کی فتح ہے۔ وہ سیاسی جماعتیں جو انتخابی میدان سے فرار اختیار کر رہیں تھیں انھیں اب عوامی احتساب کا سامنا کرنا ہو گا۔
— Hammad Azhar (@Hammad_Azhar) March 1, 2023
’’فیصلہ جمہوریت اور آئین کی فتح ہے‘‘
پی ٹی آئی کے رہنما اور سابق وفاقی وزیر حماد اظہر نے انی ٹوئٹ میں کہا ہے کہ آج کا فیصلہ جمہوریت اور آئین کی فتح ہے۔ وہ سیاسی جماعتیں جو انتخابی میدان سے فرار اختیار کر رہیں تھیں انھیں اب عوامی احتساب کا سامنا کرنا ہو گا۔
سلطان مفرور، سلطان مجبور، بیگم صفدر اور بلاوجہ بھٹو کی اس وقت کانپیں ٹانگ رہی ہوں گی۔#electionresults2023
— Fayaz ul Hassan Chohan (@Fayazchohanpti) March 1, 2023
’’مکس چار پارٹی اب الیکشن میں آئے‘‘
پی ٹی آئی کی پنجاب حکومت میں مختلف وزارتوں پر فائز رہنے والے فیض الحسن چوہان نے کہا کہ مکس اچار پارٹی اب الیکشن میں آئے پھر ہم بتاتے ہیں کہ ”ہرا سمندر گوپی چندر ، بول میری مچھلی کتنا پانی“
فیض الحسن چوہان نے مزید کہا کہ سلطان مفرور، سلطان مجبور، بیگم صفدر اور بلاوجہ بھٹو کی اس وقت کانپیں ٹانگ رہی ہوں گی۔