سٹی 42:پنجاب پولیس ڈیرہ غازی خان نے خوارجی دہشت گردوں کے خلاف بڑی کارروائی کرتے ہوئے چار دہشت گرد ہلاک کردیے
ترجمان پنجاب پولیس کے مطابق ڈی جی خان پولیس کا کوٹ مبارک کے علاقے میں مقابلہ ہوا 4 دہشت گرد ہلاک ہوگئے ، جن سے اسلحہ برآمد کیا گیا ، سرچ آپریشن جاری ہے ، پولیس کو پنجاب، خیبر پختونخوا کے سرحدی علاقے کوٹ مبارک میں خوارجی دہشت گردوں کی نقل و حرکت کی اطلاع ملی، خوارجی دہشت گرد مختلف مقامات پر شہریوں کو خوف و ہراس میں مبتلا کر رہے تھے، اطلاع ملتے ہی پولیس ٹیموں نے فوری پیش قدمی کی، علاقے کا محاصرہ کرکے آپریشن کا آغاز کیا گیا، خوارجی دہشتگرد بھاری اسلحہ کے ساتھ پولیس ٹیموں پر حملہ آور ہوئے، پنجاب پولیس نے بروقت، موثر کارروائی کرتے ہوئے دہشت گردوں کے مذموم عزائم کو خاک میں ملا دیا، پولیس کی بھرپور کارروائی میں 4 خوارجی دہشت گرد ہلاک کر دیے گئے،
دیگر دہشت گرد جھاڑیوں اور ٹیلوں کی آڑ میں فرار ہونے میں کامیاب ہوگئے ،پولیس نے ہلاک دہشت گردوں کے قبضے سے اسلحہ، گولہ بارود بھی برآمد کیا، پولیس آپریشن کے بعد علاقے میں سرچ اینڈ سویپ آپریشن جاری ہے دیگر شرپسند عناصر بھی جلد از جلد انجام تک پہنچانے کا عزم کیا ہے ،
آر پی او ڈیرہ غازی خان کیپٹن (ر) سجاد حسن خان کی نگرانی میں ڈی پی او سید علی کی قیادت میں پنجاب پولیس کی ٹیمیں مسلسل فیلڈ میں موجود رہیں، آئی جی پنجاب ڈاکٹر عثمان انور نے چار خوارجی دہشت گردوں کو ہلاک کرنے پر ڈیرہ غازی خان پولیس کو شاباش دی ،
آئی جی پنجاب ڈاکٹر عثمان انور پنجاب پولیس خوارجی دہشت گردوں کے خلاف سیسہ پلائی دیوار ہے، ملک دشمن عناصر کو کبھی ان کے ناپاک عزائم میں کامیاب نہیں ہونے دیں گے،