چیئرمین پی سی بی رمیز راجہ نے جانب سے نئے سال کی مبارکباد اور نیک خواہشات کا اظہار، ان کا کہنا تھا کہ نیا سال بہت بہت مبارک ہو، دعا ہے کہ 2022 قومی کرکٹ ٹیم کے لیے نئی خوشیاں لائے۔

چیئرمین پی سی بی رمیز راجہ نے کہا ہے کہ کپتان کو بااختیار کرنے سے قومی کرکٹ ٹیم کی کارکردگی میں تسلسل آیا۔ ایج گروپ کرکٹ میں حصہ لینے والے باصلاحیت کھلاڑیوں کو پاتھ وے اور ملک میں کرکٹ کا بہترین انفراسٹرکچر بنانا سال 2022 میں میری ترجیح ہوگی، ایج گروپ کرکٹرز کو وظیفہ اور مسابقتی کرکٹ دینے کا فیصلہ کیا ہے۔

انڈر 19 اور ویمنز پی ایس ایل  کے لیے کام کررہے ہیں، پاکستان میں ٹی ٹین کرکٹ ٹورنامنٹ کروانے پر بھی غور کیا جاسکتا ہے۔ڈراپ ان اور ہائبرڈ پچز پر تیزی سے کام کررہے ہیں ۔

Setting the goals for 2022 straight, here's Chairman PCB Ramiz Raja talking about PCB's ambition to elevate cricket to the next level in Pakistan for the year 2022.
Click on the link to see the full video: https://t.co/Bh70MQdtlj pic.twitter.com/GgFQ9xwXW9

— Pakistan Cricket (@TheRealPCB) January 1, 2022

اسلام آباد میں اسٹیڈیم اور ہائی پرفارمنس سینٹر میں نئے کمرے بنانے پر توجہ مرکوز ہے ، قومی کرکٹ ٹیم کے کوچز کی تقرری پر کپتان بابر اعظم، محمد رضوان اور ثقلین مشتاق سے بات ہوئی ہے۔ عام تاثر یہی ہے کہ قومی ٹیم کے ساتھ غیرملکی کوچز کی تقرری ہونی چاہیے۔

فینز قومی کرکٹ کا اثاثہ ہیں، انہیں ہر ممکن سہولیات دیں گے، سال 2022 پاکستان کرکٹ فینز کے لیے بمپر سال ہے ۔ اس سال بڑی ٹیمیں پاکستان آئیں گی۔ پرامید ہیں کہ کوویڈ 19 کی غیرمعمولی صورتحال کے باوجود آسٹریلیا اور انگلینڈ کی ٹیمیں پاکستان آئیں گی، سیریز ایسے وقت میں رکھی گئی ہے کہ دونوں ٹیموں کے بڑے کھلاڑی پاکستان آسکیں۔

قومی کرکٹ ٹیم کی کارکردگی اور پی سی بی کی پالیسیوں سے اسٹیک ہولڈرز کا بورڈ پر اعتماد بڑا ہے، ایچ بی ایل پی ایس ایل کی براڈکاسٹنگ اور لائیو اسٹریمنگ کے حقوق کی بولی میں قابل ذکر اضافہ دیکھا گیا ہے۔میری انتطامیہ کے تین بڑے ستون ہیں: کرکٹ،  کمرشل اور  ایڈمنسٹریشن جنہیں بہترین دیکھنا چاہتا ہوں۔