سٹی42: مذہبی و روحانی پیشوا ن پیر پگارا نے قومی سلامتی میں افواجِ پاکستان کے کردار پر اعتماد کا اظہارکرتے ہوئے پاک فوج کی خدمات و قربانیوں کو  خراجِ تحسین پیش کیا۔

حُر جماعت کے روحانی پیشواپیر پگارا نے اپنے  خصوصی خطاب کے دوران پاک فوج کی شجاعت اور قومی کردار کو سراہا، کہا کہ پاکستان پر آنے والی ہر مصیبت اور آفت میں سب سے پہلے پاک فوج ہی ڈھال بن کر سامنے آتی ہے۔ 

روحانی پیشوا پیر پگارا کا کہنا تھا کہ ہماری عزت پاکستان کی وجہ سے ہے اور اس فیڈریشن کو پاک فوج نے بچایا ہوا ہے۔خدا ہماری فوج کو ملک کے تحفظ اور حفاظت کیلئے ہمیشہ سلامت رکھے۔ 

پیر پگارا نے ملک کے دفاع اور استحکام کیلئے پاک فوج کی قربانیوں کو ناقابلِ فراموش قرار دے دیا۔