ویب ڈیسک: بالی وڈ سپر اسٹار سلمان خان کی انگلی میں موجود انگوٹھی نے سوشل میڈیا پر ایک نئی بحث چھیڑ دی ہے اور کئی صارفین کا کہنا ہے کہ دبنگ خان نے منگنی کرلی ہے۔
سلمان خان ان دنوں ابوظبی میں آئیفا ایوارڈز کی تقریب کے لیے موجود ہیں جہاں سے چند تصاویر سوشل میڈیا پر سب کی توجہ کا مرکز بنی ہوئی ہیں۔پروگرام سے قبل اداکار نے ساتھی فنکاروں کے ہمراہ ایک پریس کانفرنس کی جس میں سلمان خان کا ہاتھ نگاہوں کا مرکز بن گیا، سلمان خان کے ہاتھ میں لوگوں کی دلچسپی اس سے قبل بریسلٹ کی وجہ سے ہوا کرتی تھی لیکن اب بریسلٹ کی جگہ انگوٹھی نے لے لی۔
View this post on Instagram
بالی وڈ اسٹار کے ہاتھ کی درمیانی انگلی میں پہنی اس انگوٹھی کو دیکھ کر مداح چونک گئے اور یہ خیال کرنے لگے کہ سلمان خان نے منگنی کرلی۔بھارتی میڈیا رپورٹس کے مطابق سلمان خان نے منگنی نہیں کی بلکہ یہ انگوٹھی ان کے والد سلیم خان نے بطور تحفہ دی ہے۔ایسی ہی انگوٹھی سلمان خان کے بھائیوں ارباز خان اور سہیل خان کو بھی تحفے میں دی گئی ہیں۔