ویب ڈیسک: حکومت کی جانب سےعیدالاضحیٰ سے قبل عوام کو کیا سرپرائز ملتا ہے، نظریں پیٹرولیم مصنوعات کی قیمتوں پر مرکوز ہیں، قیمتوں میں رد و بدل آج رات ہوگا۔
تفصیلات کےمطابق پیٹرولیم مصنوعات کی نئی قیمتیں آئندہ 15 روز کے لئے برقرار رہیں گی، پیٹرولیم مصنوعات کی قیمتوں میں معمولی ردوبدل کا امکان ہے، یکم جون 2025 سے نئی قیمتوں کا اطلاق ہوگا۔
ذرائع ابلاغ کے مطابق پیٹرول اور ڈیزل کی قیمتوں میں کمی جب کہ مٹی کے تیل اور لائٹ ڈیزل میں اضافہ متوقع ہے، جبکہ قیمتیں برقرار رکھنے کا بھی قوی امکان ہے۔
قبل ازیں 15 مئی کے بعد پیٹرولیم مصنوعات کی نئی قیمتوں کا اعلان کیا گیا تھا، مٹی کا تیل 5 روپے 4 پیسے سستا ہوا،لائٹ ڈیزل کی قیمت میں 4 روپے 68 پیسے کمی کی گئی۔
حکومت نے پیٹرول کی قیمت برقرار رکھی جبکہ ڈیزل سستا کیا گیا ہے۔
ہائی سپیڈ ڈیزل کی قیمت میں 2 روپے فی لیٹر کی کمی ہوئی، ہائی سپیڈ ڈیزل کی نئی قیمت 254 روپے 64 پیسے مقرر اور پیٹرول کی قیمت 252 روپے 63 پیسے برقرار رکھی گئی۔