سٹی 42 : انٹربینک کے بعد اوپن مارکیٹ میں ڈالر کی قیمت میں کمی ہوگئی ۔ 

اسٹیٹ بینک کے مطابق انٹربینک میں ڈالر ایک پیسے سستا ہوگیا ، انٹربینک میں ڈالر 277.81 روپے سے کم ہوکر 277.80 روپے پر بند ہوا ۔

دوسری جانب اوپن مارکیٹ میں امریکی ڈالر 3 پیسے سستاہوکر 279.85 روپے کا ہوگیا ۔ اوپن مارکیٹ میں یورو 89 پیسے مہنگاہوکر 324.83 روپے، برطانوی پاونڈ  1.76 روپے مہنگاہوکر 379.49 روپے پر آگیا۔ اس کے علاوہ اوپن مارکیٹ میں یو اے ای درہم 6 پیسے کم ہوکر 76.91 روپے، سعودی ریال 4 پیسے کمی سے 75.18 روپے پرآگیا۔