(مانیٹرنگ ڈیسک) پاکستانی اداکارہ ریشم نے حکومت سے پاکستان تحریک انصاف کے رہنما فواد چودھری کی رہائی کا مطالبہ کر دیا۔
پی ٹی آئی رہنما فوادچودھری کو گزشتہ دنوں الیکشن کمیشن اور دیگر حکام کو دھمکیاں دینے پر اسلام آباد پولیس نے لاہور سے رات دیر گئے ٹھوکر نیاز بیگ کے قریب ان کی رہائش گاہ سےگرفتار کیا تھا۔
اداکارہ ریشم نے سوشل میڈیا پر ویڈیو پیغام جاری کرتے ہوئے حکومت سے فواد چودھری کی رہائی کا مطالبہ کیا۔ ریشم نے اپنے ویڈیو پیغام میں کہا کہ' میں حکومت پاکستان سے مطالبہ کرتی ہوں کہ فواد چودھری کے ساتھ ہونے والے ظلم کو بند کیا جائے اور ان کو اپنی بیٹیوں سے ملنے کی اجازت دی جائے'۔
فواد چوہدری کو رہا کیا جائے،۔ pic.twitter.com/pVBnMt0xnb
— Resham (@TheRealResham) January 30, 2023
واضح رہے کہ گرفتاری کے بعد فوادچودھری کو اڈیالہ جیل منتقل کیا گیا اور پھر بعد ازاں جوڈیشل مجسٹریٹ نے فواد چودھری کا 2 دن کا جسمانی ریمانڈ منظور کیا۔