ویب ڈیسک:بھارت کے ارب پتی تاجر مکیش امبانی کے چھوٹے بیٹے آننت امبانی نے جمعرات کو منگنی کی۔
نیتا امبانی اور مکیش امبانی کے چھوٹے بیٹے آننت امبانی کی رادھیکا مرچنٹ سے منگنی ہوئی، منگنی کی تقریب راجستھان کے شری ناتھ جی مندر میں منعقد کی گئی، اس موقع پر امبانی اور مرچنٹ خاندان کے افراد اور دوست موجود تھے۔
بعد ازاں ممبئی میں واقع مکیش امبانی کی رہائش گاہ پرگرینڈ پارٹی کا انعقاد کیا گیا جس میں شاہ رخ کام، سلمان خان ،رنبیر کپور ، عالیہ بھٹ سمیت دیگر بالی وڈ شخصیات اور شعبہ زندگی سے تعلق رکھنے والے افراد نے شرکت کی۔
بھارتی میڈیا کے مطابق جہاں دیگر بالی وڈ شخصیات نے اس تقریب میں شرکت کی وہیں گلوکار میکا سنگھ کو بھی تقریب میں خصوصی پرفارمنس کے لیے مدعو کیا گیا تھا۔
View this post on Instagram
بھارتی میڈیا کا دعویٰ ہے کہ میکا سنگھ نے نیتا امبانی اور مکیش امبانی کے چھوٹے بیٹے آننت امبانی کی منگنی کی تقریب میں 10 منٹ گانا گانے کے لیے ڈیڑھ کروڑ بھارتی روپے(4 کروڑ سے زائد پاکستانی روپے) معاوضہ لیا۔
سوشل میڈیا پر وائرل ویڈیوز میں دیکھا گیا کہ میکا سنگھ گرینڈ پارٹی میں آننت امبانی کے ساتھ ڈانس کرتے ہوئے گانا گا رہے ہیں۔آننت امبانی کی منگیتر رادھیکا مرچنٹ معروف بھارتی بزنس مین ویرن مرچنٹ کی بیٹی ہیں،انہوں نے نیویارک یونیورسٹی سے سیاست اور معاشیات کی تعلیم حاصل کی ہے۔
اطلاعات کے مطابق 24 سالہ رادھیکا مرچنٹ فی الحال والد کی کمپنی Encore Healthcare میں بطور ڈائریکٹر خدمات انجام دے رہی ہیں۔