صا رفین کو انسٹا ،ٹک ٹاک سے دور رکھنے کا حل گوگل نےبتا دیا

صا رفین کو انسٹا ،ٹک ٹاک سے دور رکھنے کا حل گوگل نےبتا دیا
Stay tunned with 24 News HD Android App
Get it on Google Play

(سٹی 42) انٹرنیٹ صارفین کوانسٹاگرام اور ٹک ٹاک کی بجائے اپنے سرچ پیجز پر زیادہ وقت تک رکھنے کے لیے گوگل کا نیا ہتھیار سامنے آگیا ہے۔

تفصیلا ت کے مطا بق گوگل کی جانب سے سرچ انجن میں ایک نئے فیچر کی آزمائش شروع ہوگئی ہے، جس میں صارفین انسٹاگرام اور ٹک ٹاک کی ویڈیوز ایپس کی بجائے براہ راست گوگل پر ہی دیکھ سکیں گے۔یعنی ان ویڈیوز پر کلک کرنے پر ایپ کی بجائے اس کا ویب ورژن اوپن ہوگا، کیونکہ گوگل کے خیال میں ایپ میں جانے سے ہوسکتا ہے کہ لوگ اسی میں گم ہوجائیں۔اس نئے طریقہ کار سے گوگل صارفین کو اپنے سرچ پیجز پر ہی رکھ سکے گا اور وہاں ہی انہیں وائرل ویڈیوز تک رسائی بھی فراہم کرے گا۔

ٹیک کرنچ کی رپورٹ کے مطابق یہ نیا فیچر فی الحال محدود صارفین کو دستیاب ہے جو اینڈرائیڈ اور آئی فون میں گوگل ایپ کے ٹاپ پر موجود ہے۔اسے شارٹ ویڈیوز کا نام دیا گیا ہے جو اکتوبر میں متعارف کرائے جانے والے فیچر اسٹوریز سے مختلف ہے۔شارٹ اسٹوریز کے فیچر میں گوگل کے پارٹنر بشمول فوربز، یو ایس اے ٹوڈے اور دیگر کا مواد نظر آتا ہے۔

اس کے مقابلے میں نیا شارٹ ویڈیوز کا فیچر صرف سوشل میڈیا ایپس کے لیے کام کرے گا، یعنی انسٹاگرام اور ٹک ٹاک کے ساتھ ساتھ یوٹیوب اور چند دیگر ایپس کے کلپس بھی وہاں موجود ہوں گے۔یہ واضح نہیں کہ گوگل نے اس حوالے سے فیس بک اور ٹک ٹاک سے ان کے مواد تک رسائی کے لیے معاہدہ کیا ہے یا اپنے سرچ انجن کی انڈیکس پاور کو استعمال کرے گا۔