( سٹی 42 ) خاتون وکیل کی شہری پر تشدد کی ویڈیو وائرل ہوگئی، خاتون نے کار سوار شہری پر تشدد کیا اور گالیاں دیں۔
تفصیلات کے مطابق خاتون وکیل نے ایم اے او کالج کے سامنے کار سوار شہری پر تشدد کیا اور گالم گلوچ کرتی رہی۔سٹی فورٹی ٹو کو موصول ہونے والی ویڈیو میں دیکھا جا سکتا ہے کہ شہری اور خاتون وکیل میں تصادم کے بعد جھگڑا شروع ہوگیا۔ اس دوران شہری کی گاڑی کی سکرین ٹوٹ گئی جبکہ خاتون وکیل گاڑی پر بھی مُکے برساتی رہی ۔
دوسری جانب پولیس کا کہنا ہے کہ اس طرح کے کسی واقعہ کی کوئی اطلاع موصول نہیں ہوئی، درخواست آئی تو قانون کے مطابق کارروائی کی جائے گی۔