اسرار خان:لاہور کے مختلف علاقوں میں بجلی کی غیر اعلانیہ اور طویل بندش کا سلسلہ جاری ہے، جس کے باعث شہریوں کو شدید مشکلات کا سامنا ہے۔

وحدت کالونی اور اس سے ملحقہ آبادیوں میں کئی گھنٹوں تک بجلی معطل رہی، جس سے معمولاتِ زندگی بری طرح متاثر ہوئے۔ علاقہ مکینوں کا کہنا ہے کہ طویل لوڈشیڈنگ کے باعث پانی کی قلت بھی پیدا ہو گئی ہے اور گھریلو امور انجام دینا مشکل ہو گیا ہے۔

شہریوں نے شکایت کی ہے کہ بھاری بجلی کے بل ادا کرنے کے باوجود وہ بجلی جیسی بنیادی سہولت سے محروم ہیں۔

 متاثرہ مکینوں نے متعلقہ حکام سے مطالبہ کیا ہے کہ غیر اعلانیہ لوڈشیڈنگ کا فوری نوٹس لے کر بجلی کی فراہمی یقینی بنائی جائے۔