جنید ریاض:  پیف پارٹنر اسکولوں میں خدمات انجام دینے والے اساتذہ کی 20 ہزار روپے ماہانہ تنخواہ فکس کرنے کا معاملہ تاحال حل نہ ہو سکا، صوبائی وزیر تعلیم کی جانب سے تنخواہ کا اعلان محض وعدوں تک محدود ہو کر رہ گیا۔
پیف حکام  کے مطابق  تاحال پیف انتظامیہ کیجانب سے 20 ہزار روپے تنخواہ کی ادائیگی کو نوٹیفکیشن جاری نہ ہوسکا،تنخواہ بڑھانے سےمتعلق محکمہ سکول ایجوکیشن باقاعدہ نوٹیفکیشن جاری کرے گا۔
ذرائع  کے مطابق ابھی بھی سکولوں میں اساتذہ کو 10ہزار روپے سے کم اجرت دی جارہی ہے،اساتذہ نے صوبائی وزیرتعلیم سے معاملے کا نوٹس لینے کا مطالبہ کردیا۔