مانیٹرنگ ڈیسک: ڈنمارک میں قرآن مجید کو بےحرمتی سے بچانے کی کوشش کرنے والی خاتون پر بھی ملعون افراد نے حملہ کردیا۔

سماجی رابطے کی سائٹ ٹوئٹر پر ایک ویڈیو وائرل ہورہی ہے جس میں دیکھا جاسکتا ہے کہ ڈینش پیٹریاٹس نامی گروپ نے ڈنمارک کے دارالحکومت کوپن ہیگن میں دو مرتبہ قرآن پاک کی بےحرمتی کی تھی جس کے خلاف مسلم دنیا میں بڑے پیمانے پر احتجاج بھی کیا گیا۔

اس موقع پر ایک خاتون کی جانب سے قرآن مجید کو بےحرمتی سے بچانے کی کوشش کرتے دیکھا جا سکتا ہے۔ ایک بڑی عمر کی خاتون قرآن پاک کو بے حرمتی سے بچانے کے لیے ساتھ اٹھا کر لے جاتی ہے تاہم اسی دوران قرآن پاک کی بے حرمتی کرنے والے افراد اس خاتون پر حملہ آور ہو جاتے ہیں اور اسے زمین پر گرا کر اس سے قرآن پاک چھیننے کی کوشش کرتے ہیں۔

Brave Dane woman attempted to save a Qur'an from desecration was assaulted by the 2 burners before being arrested by Danish police.
The police then returned the #Quran to the thugs.#Denmark #Islamophobia #Islam #JusticeFor_Rizwana #قرآن #محرم #earthquake #ImranKhan #Jamrud pic.twitter.com/akJU2VKTS1

— سحر (@BE_A_TRUE_MUSLM) July 25, 2023

ویڈیو میں خاتون مدد کیلئے پولیس کو بھی پکار رہی ہے لیکن ڈچ پولیس اسکی مدد کرنے کے بجائے اسکو حراست میں لے لیتی ہے۔

واضح رہے کہ قرآن پاک کی بے حرمتی کے واقعے پر سعودی عرب نے گزشتہ روز ڈنمارک کے ناظم الامور کو دفتر خارجہ طلب کرکے شدید احتجاج ریکارڈ کرایا تھا۔