سٹی42: ڈپٹی کمشنر لاہور سید موسیٰ رضا کی ہدایت پر ضلعی انتظامیہ نے گراں فروشی اور ناجائز منافع خوری کے خلاف سخت کارروائی کا آغاز کر دیا ہے۔

 اسسٹنٹ کمشنرز اور پرائس کنٹرول مجسٹریٹس شہر بھر میں متحرک ہو گئے ہیں۔کارروائی کے دوران سرکاری نرخ نامے کی خلاف ورزی پر 50 ہزار روپے کا جرمانہ عائد کیا گیا جبکہ 6 مقدمات کا اندراج اور 15 دکانداروں کو وارننگز جاری کی گئیں۔

ضلعی انتظامیہ کے مطابق آلو، پیاز، ٹماٹر سمیت 16 سبزیوں اور سیب، کیلے، امرود سمیت 6 پھلوں کی قیمتیں مستحکم ہیں اور ان پر کڑی نگرانی جاری ہے۔

ڈپٹی کمشنر سید موسیٰ رضا کا کہنا تھا کہ ذخیرہ اندوزوں اور گراں فروشوں کے خلاف زیرو ٹالرنس پالیسی پر عمل کیا جا رہا ہے اور کسی کو عوام کا استحصال کرنے کی اجازت نہیں دی جائے گی۔