ویب ڈیسک:  اورنگی ٹاؤن میں گھر کے دروازے پر  کھڑے شخص کو ڈکیتی مزاحمت پر  فائرنگ کرکے  قتل کردیا گیا۔

پولیس کے مطابق اورنگی ٹاؤن کے سیکٹر 11 میں ڈکیتی کے دوران معمولی مزاحمت پر ایک شخص کو  بچوں کے سامنے فائرنگ کرکے قتل کیاگیا جس کی شناخت سجاد شوکت کے نام سے ہوئی۔

 واقعے کی سی سی ٹی وی بھی منظر عام پر آگئی جس میں دیکھا گیا کہ شہری بچوں کے ساتھ گھر کے دروازے پرکھڑا تھا جس دوران موٹرسائیکل سوار 2 ملزمان شہری کے پاس آکر رکے، شہری نے حملہ آورکو دیکھ کر معمولی مزاحمت کی جس  پرملزمان نے اسے بچوں کے سامنے گولی ماردی۔

قتل کے واقعے کے وقت ایک بچہ مقتول کی گود میں اور دوسرا ساتھ کھڑا تھا۔

پولیس کا بتانا ہے کہ واقعے سے متعلق معلومات حاصل کی جارہی ہیں اور ویڈیو کی مدد سے ملزمان کی گرفتاری کی کوششیں جاری ہیں۔