سٹی42:  حماس کے عسکری ونگ نے اعلان کیا ہے کہ "گزشتہ 48 گھنٹوں کے دوران غزہ شہر کے صابرہ اور تل الحوا  میں فوجی کارروائیوں اور پرتشدد حملوں کی وجہ سے ان کا دو یرغمالیوں سے رابطہ منقطع ہو گیا ہے۔"

اپنے بیان میں، حماس کے ملٹری ونگ نے مطالبہ کیا ہے کہ IDF "اسٹریٹ نمبر8  (غزہ شہر کی ایک سڑک) کے جنوب کی طرف پیچھے ہٹ جائے اور آج شام 6 بجے سے 24 گھنٹے کے لیے فضائی حملے روکے تاکہ (اس خاص علاقے میں موجود) قیدیوں (یرغمالیوں) کو نکالنے کی کوشش کی جا سکے۔"

بیان میں یرغمالیوں کے صحیح مقام کا واضح اشارہ  غیر معمولی ہے۔

اسرائیلی میڈیا کی رپورٹس مین بتایا گیا ہے کہ دونوں مغویوں کے اہل خانہ نے درخواست کی ہے کہ اسرائیلی میڈیا ان کے نام شائع نہ کرے۔