ابوبکر ارشد:معروف کاروباری شخصیت اور چیئرمین اوٹو گروپ سید خاور مہتاب کے والد مرحوم کی نمازِ جنازہ ادا کر دی گئی۔ مرحوم کی نمازِ جنازہ مولانا محمد رضا اسدی نے پڑھائی۔
نمازِ جنازہ میں چیف ایگزیکٹو آفیسر اوٹو گروپ سید دلاور عباس نے شرکت کی۔ اس موقع پر عباس حسین ملک اور ڈاکٹر محمد عدیل بھی شریک ہوئے۔ علاوہ ازیں کرنل باقر زیدی، ایڈووکیٹ زین علی قریشی اور زاہد عزیز نے بھی نمازِ جنازہ میں شرکت کی۔
نمازِ جنازہ میں ڈسٹرکٹ اینڈ سیشن جج سید جواد الحسن، اسسٹنٹ اٹارنی جنرل سعید جعفری اور قمر عباس بھی موجود تھے۔
نمازِ جنازہ کے بعد مرحوم کی مغفرت اور ایصالِ ثواب کے لیے خصوصی دعا کروائی گئی، جبکہ شرکاء نے لواحقین سے اظہارِ تعزیت کیا۔