ویب ڈیسک:مشہور ٹرانسجینڈر رقاصہ اور ٹک ٹاک اسٹار مہک ملک کے حوالے سے خبریں گردش کررہی ہیں کہ انہوں نے پی ایس ایل کی نئی فیصل آباد کی  ٹیم خرید لی ہے اور  فرنچائز کے مالکانہ اختیارات حاصل کرلئے ہیں، اگر یہ افواہیں درست ہوئیں تو وہ  پہلی ٹرانسجینڈر  ہوں  گی جو کسی پی ایس ایل کی ٹیم کی مالک ہوں گی۔ 

مشہور ٹرانس جینڈر ڈانسر اور ٹک ٹاک سینسیشن مہک ملک کے بارے میں یہ دعویٰ سامنے آیا ہے کہ انہوں نے پاکستان سپر لیگ (PSL) کی فیصل آباد فرنچائز خرید لی ہے، جس کے بعد وہ مبینہ طور پر لیگ کی تاریخ میں پہلی ٹرانس جینڈر ٹیم اونر بن سکتی ہیں۔

اگرچہ یہ خبر ابھی تک سرکاری طور پر تصدیق شدہ نہیں، لیکن سوشل میڈیا پر اس حوالے سے زبردست بحث جاری ہے۔

سوشل میڈیا صارفین کا کہنا تھا کہ کہ اگر یہ دعویٰ درست ہے تو یہ پاکستان کے کھیلوں میں صنفی شمولیت  کی طرف ایک بہت بڑا قدم ہوگا، بہت سے صارفین اور تجزیہ کاروں نے اسے قابلِ تعریف پیش رفت قرار دیتے ہوئے کہا ہے کہ’یہ قدم پیشہ ورانہ کھیلوں میں ٹرانس جینڈر کمیونٹی کے لیے نئی راہیں کھول سکتا ہے۔‘یہ کم نمائندگی والی کمیونٹیز کو بھی بڑی سطح پر کھیلوں میں شامل ہونے کی ترغیب دے گا۔

کئی سوشل میڈیا پوسٹوں میں تو یہ بھی دعویٰ کیا جا رہا ہے کہ پی ایس ایل کے عہدیداروں نے مہک ملک کے ممکنہ داخلے کا خیرمقدم کیا ہے اور اسے لیگ کے لیے مثبت تبدیلی قرار دیا ہے۔

تاہم ابھی تک نہ پاکستان کرکٹ بورڈ (PCB) اور نہ ہی PSL انتظامیہ نے مہک ملک کی جانب سے ٹیم خریدنے کی باضابطہ تصدیق کی ہے، اس وجہ سے یہ خبر اس وقت صرف سوشل میڈیا کی سطح پر موجود دعویٰ یا افواہ سمجھی جا رہی ہے۔

واضح رہے کہ پی سی بی نے حال ہی میں پی ایس ایل کی توسیع کے لیے 6 شہروں کو شارٹ لسٹ کیا تھا، جن میں، حیدرآباد، سیالکوٹ، مظفرآباد، فیصل آباد، گلگت اور راولپنڈی کی ٹیمیں شامل ہوں گی، بعد ازاں گلگت اور فیصل آباد کو فائنل کیا گیا۔