سٹی42: پنجاب اسمبلی کے اجلاس کے دوران رکن خالد نثار ڈوگر نے مسلم لیگ نون کے رکن حسان ریاض پر حملہ کردیا۔معاملہ سنگین صورت اختیار کر گیا۔
آج پنجاب اسمبلی میں اجلاس کے دوران اس وقت پیچیدہ سورتحال پیدا ہو گئی جب اپوزیشن کے ایک رکن نے اپنے نشست سے اٹھ کر تقریباً دوڑتے ہوئے جا کر مسلم لیگ نون کے لاہور سے منتخب ہونے والے رکن خواجہ احمد حسان کی نشست پر جا کر ان پر جسمانی حملہ کر ڈالا۔
قائم مقام سپیکر ظہیر اقبال چنڑ آج کے اجلاس کی کارروائی چلا رہے تھے۔
ایوان میں اپوزیشن رکن کے حملے کے بعد کئی حکومتی ارکان نے اپنی نشستوں سے اٹھ کر اس رکن کو احمد حسان کے ساتھ گتھم گتھا ہونے سے روکا اور پیچھے دھکیل دیا۔
حکومتی رکن حسان ریاض اپنی نشست پر ہی کھڑے رہے۔وزیر قانون صہیب بھرتھ ، عاشق کرمانی ، معین قریشی بیچ بچاؤکراتے رہے
اپوزیشن رکن خالد نچار ڈوگر کے تشدد پر مبنی رویہ کا حکومتی پارٹی نے سختی سے نوٹس لیا اور اس واقعہ پر احتجاج کیا، دوسری طرف اپوزیشن کے ارکان بظاہر کسی وجہ کے بغیر ہی اجلاس سے واک آؤٹ کر کے باہر چلے گئے۔
اپوزیشن کے کچھ ارکان اپنجاب اسمبلی کے احاطے میں جمع ہو کر نعرے بازی کرتے رہے۔
قائم مقام سپیکر نے اجلاس پہلے 5منٹ کے لیے ملتوی کردیا، پھر جب حکومت کے ارکان نے اس واقعہ کا سختی سے نوٹس لیا تو قائم مقام سپیکر نے فریقین کو اپنے چیمبر میں بلا کر ان کے مذاکرات کروائے۔ جن کا بطاہر کوئی فوری نتیجہ نہیں نکلا۔