سٹی42: شہر لاہور میں ٹریفک حادثات کا سلسلہ بدستور جاری،24 گھنٹوں  میں 214 ٹریفک حادثات رپورٹ ہوئے۔

 ریسکیو حکام کے مطابق گزشتہ 24 گھنٹوں کے دوران لاہور شہر کے مختلف علاقوں میں 214 ٹریفک حادثات رپورٹ ہوئے ہیں جس کی زد میں آکر مجموعی طور پر 231 افراد زخمی ہوئے،95 شدید زخمیوں کو مقامی ہسپتالوں میں منتقل کیا گیا جبکہ 136 معمولی زخمیوں کو  ریسکیو حکام  کی جانب سے موقع پر فرسٹ ایڈ فراہم کی گئی۔

ریسکیو حکام کا کہنا ہے کہ حادثات تیز رفتاری اور ٹریفک قوانین کی خلاف ورزی کے باعث پیش آئے ہیں۔