سٹی 42 : ضلع راولپنڈی کی تحصیل کوٹلی ستیاں میں مسافر کوسٹر اُلٹ گئی۔ 

ریسکیو حکام کے مطابق کوسٹر میں 15 طلباء سوار تھے، حادثے میں ایک طالب علم جاں بحق ہوگیا، جبکہ 7 زخمی ہوئے ہیں۔ ریسکیو حکام کا کہنا ہے کہ حادثے کے مقام سے 7 زخمیوں کو پرائیویٹ ایمبولینسز کے ذریعے ہسپتال منتقل کیا گیا ہے۔ 

ریسکیو حکام کا کہنا ہے کہ ریسکیو کی امدادی ٹیمیں جائے حادثہ پر موجود ہیں، حادثے کے باعث ایک شخص کوسٹر میں پھنس گیا ہے جسے نکالنے کی کوشش کی جارہی ہے۔