ویب دیسک: شکارپور میں باراتیوں کی بس پر فائرنگ کے نتیجے میں دولہا سمیت 3 افراد جاں بحق ہو گئے۔
پولیس کے مطابق شکار پور میں قومی شاہراہ بائی پاس پر بارات کی بس پر فائرنگ کی گئی جس کے نتیجے میں دولہا سمیت 3 افراد جاں بحق ہو گئے۔
پولیس حکام کا کہنا ہے کہ جاں بحق ہونے والوں میں دولہا کا بھائی اور بس کا ڈرائیور بھی شامل ہے جبکہ ایک خاتون زخمی بھی ہوئی۔
پولیس کے مطابق بارات شکارپور شہر سے جیکب آباد جا رہی تھی، واقعہ پرانی دشمنی کے باعث پیش آیا، حملہ آوروں کی گرفتاری کے لیے اقدامات شروع کر دیے گئے ہیں۔