سٹی 42 : کوٹ لکھپت پولیس نے انٹیلی جنس بیسڈ کارروائی کے دوران گھریلو سامان شفٹ کرنے کے بہانے زیورات چرانے والا 3 رکنی گروہ گرفتار کرلیا ۔
ایس پی ماڈل ٹاؤن اسد علی کے مطابق گرفتار ملزموں میں رضیہ بی بی اس کے بیٹے سفیان اور فیضان شامل، ملزمان نے زینب کا سامان شفٹ کرتے ہوئے لاکھوں مالیت کے زیورات چرائے ۔
ایس پی اسد علی کا کہنا ہے کہ گرفتار ملزموں سے چوری شدہ زیورات برآمد کر لئے گئے ۔ انہوں نے بتایا کہ گرفتار ملزمان تفتیش کے لئے انویسٹی گیشن ونگ کے حوالے کردیا گیا۔