ملک اشرف : شہری میاں طارق احمد کے داماد کی عدم بازیابی کا معاملہ، ہائیکورٹ نے ڈی آئی جی انویسٹی گیشن ذیشان رضا کو 30 ستمبر کو طلب کرلیا۔
جسٹس چوہدری سلطان محمود نے شہری میاں طارق احمد کی درخواست پر تحریری حکم جاری کیا، درخواستگزار نے اپنے داماد امجد رشید کی بازیابی کیلئے ہائیکورٹ سے رجوع کیا، اس کیس میں ڈی آئی جی آپریشنز فیصل کامران پہلے ہی پیش ہوچکے ہیں، ایس پی انویسٹیگیشن صدر ڈویژن معظم جان بھی پیش ہوچکے ہیں،عدالت نے پولیس کو مغوی کی بازیابی کیلئے30 ستمبر تک کی مہلت دے رکھی ہے۔