اسرار خان :گزشتہ 24 گھنٹوں کے دوران شہر کے مختلف علاقوں میں 272 ٹریفک حادثات،  261 افراد زخمی ہوئے  زخمیوں کو ہسپتال منتقل کر دیا گیا۔ 
 ریسکیو ون ون ٹو ٹو کے اعداد و شمار کے مطابق 24 گھنٹوں کےدوران شہر کے مختلف علاقوں میں 272 ٹریفک حادثات رپورٹ ہوئے ہیں۔ ان حادثات کی زد میں آکر مجموعی طور پر 261 افراد زخمی ہوئے۔ 103 شدید زخمیوں کو فوری طبی امداد کے لئے مقامی ہسپتالوں میں منتقل کیا گیا۔ جبکہ 158 معمولی زخمیوں کو موقع پر فرسٹ ایڈ فراہم کی گئی۔ ریسکیو حکام کا کہنا ہے ٹریفک حادثات کم عمر ڈرائیورز، تیز رفتاری کا مظاہرہ کرنے اور ٹریفک قوانین کی دیگرخلاف ورزیوں کے باعث پیش آئے ۔