(جنید ریاض)پنجاب میں نجی سکولوں کی رجسٹریشن آن لائن ہوگئی، وزیر تعلیم سکول مراد راس نے نئے نظام کا اجرا کردیا ، کہتے ہیں نئے نظام سے کرپشن کا خاتمہ ممکن ہوسکے گا۔

تفصیلات کے مطابق ارفع ٹیکنالوجی پارک میں صوبائی وزیر تعلیم برائے سکول مراد راس نے نجی سکولوں کی رجسٹریشن کو آن لائن کردیا، مراد راس کا کہنا تھاکہ نئے نظام کے تحت پنجاب بھر کے پرائیویٹ سکولز اپنی آن لائن رجسٹریشن کراسکیں گے، سسٹم سے نجی سکولوں کا مکمل اور درست ڈیٹا ملے گا اور کرپشن کا خاتمہ ہوگا ، انھوں نے مزید کہا کہ سسٹم کا نام ای لائسنس فار پرائیویٹ سکولز رکھا گیا ہے،نجی سکولز یکم مارچ تک نئےنظام کے تحت اپنی رجسٹریشن مفت کراسکیں گے۔

مراد راس کا کہنا تھاکہ وہ سکولز بند کرنے کے حق میں بالکل بھی نہیں تھے لیکن کورونا کیسز میں اضافے کو دیکھتے ہوئے مجبوری میں فیصلہ کیا، نجی سکولوں کی مالی سپورٹ کے لئے وفاقی حکومت خصوصی پیکج پر کام کررہی ہے ، مراد راس کا کہنا تھا کہ اگلے 5 سال بھی تحریک انصاف کی حکومت ہوگی اور ہم پی آئی ٹی بی سے ملکر سکول ایجوکیشن ڈیپارٹمنٹ میں مزید بہتری لائیں گے ۔

LAUNCHED:
E - LICENSE for Private Schools of Punjab. First time ever all Private Schools will be able to Register Online with Punjab Government without the hassle of running after files and Corruption. pic.twitter.com/9HHdThOpiK

— Murad Raas (@DrMuradPTI) November 27, 2020

دوسری جانب  سکول ایجوکیشن ڈیپارٹمنٹ نے سیس کا نیا ورژن جاری کردیا۔سرکاری سکولوں میں داخلے کیلئے ب فارم کی شرط بھی سیس کے نئے ورژن میں شامل، داخلوں کے وقت بچوں کی مکمل معلومات سیس میں اپ لوڈ کی جائینگی ۔ ب فارم سے متعلق معلومات دستیاب نہ ہونے پر داخلہ اپ ڈیٹ نہیں ہوسکے گا۔

نئے وژن میں بچوں کے ب فارم کا اندراج لازمی کر دیا گیا،اساتذہ گوگل ایپ پر جا کر نیاورژن ڈاؤن لوڈ یا اپ ڈیٹ کر سکیں گے،داخلے کے وقت سکول انفارمیشن سسٹم پر آن لائن انٹری کرنا ہو گی، سیس پر ب فارم کا اندارج نہ کرنے پر اینرولمنٹ ممکن نہیں ہو سکے گی۔