ویب ڈیسک : ایک سال سے کمرے میں بند زنجیروں میں قید خاتون کو پولیس نے بازیاب کرلیا.

تفصیلات کے مطابق ڈی پی او مردان محمد شعیب نے پریس کانفرنس میں انکشاف کیا کہ خاتون کو سگے بھائیوں نے ایک سال سے زنجیروں میں جکڑ کر کمرے میں قید کر رکھا  تھا۔ بھائی نہیں چاہتے تھے کہ بہن بچوں کی پرورش کے لئے نوکری کرے اور  خاوند کے خلاف خرچےکا کیس لڑے ۔ خاتون  کی طلاق ہو چکی ہے اور اس نے شوہر سے بچوں کے اخراجات کے سلسلے میں فیملی کورٹ سے رجوع کیا تھا،  جس پر اس کے بھائیوں نے اسے زنجیر یں ڈال کر قید کردیا۔

ڈی پی اوکا مزید کہناتھا کہ تین ملزمان گرفتار ہیں جبکہ ایک کو جلد گرفتار کرلیا جائے گا، خاتون کے گلے اور ٹانگ میں زنجیریں ڈال کر اسے روشندان کے ساتھ باندھا گیا تھا۔ 

صوابی میں درندگی کی انتہا سگی بہن کو نوکری نہ کرنے پر زنجیروں سے باندھ دیا گیا
گلے میں تالے بھی ڈالے گئے بروقت کاروائی پولیس نے 3ملزمان گرفتار کر لئے @JBaghwan @kamrankbangash @IKPeshawar @KP_Police1 @AsadQaiserPTI pic.twitter.com/VsESqhAVaa

— Ahtesham khan (@Ahtesha03832416) July 27, 2021