ویب ڈیسک: سابق کپتان شعیب ملک نےبنگلادیش پریمیئر لیگ میں اپنے اوپر لگے تمام الزمات مسترد کر دیئے ان کا کہنا تھا کہ جھوٹی خبریں پھیلانے سے پہلے خبر کی تصدیق کرلیا کریں اس سے انسان کی عزت خراب ہوتی ہے۔
گزشتہ دنوں بی پی ایل کے ایک میچ میں شعیب ملک نے بولنگ کے دوران لگاتار تین نو بالز کروائی تھیں جس کے بعد ان سے متعلق میچ فکسنگ کے الزامات سامنے آئے تھے،بعد ازاں شعیب ملک 3 روز قبل بی پی ایل کا میچ کھیلنے کے بعد بنگلا دیش سے ٹی ٹین لیگ کھیلنے متحدہ عرب امارات چلے گئے تھے جس وجہ سے ان پر فکسنگ کے الزمات لگائے گئے تھے۔
اس حوالے سے شعیب ملک نے سوشل میڈیا پر بیان جاری کرتے ہوئے فکسنگ کےالزامات کی تردید کرتے ہوئے کہا ہے کہ مجھ سے متعلق پھیلائی جانے والی فکسنگ کی خبریں بے بنیاد ہیں، انہوں نے کہا کہ فارچون باریشال کے کپتان تمیم اقبال سے اس پر بات کی، مجھے دبئی میں مصروفیت کے باعث بی پی ایل چھوڑنا پڑی، ضرورت پڑنے پر فارچون باریشال کے لیے دستیاب ہوں گا۔
Official statement ;
— Shoaib Malik ???????? (@realshoaibmalik) January 26, 2024
I would like to address and dismiss the recent rumors circulating about my playing position with Fortune Barishal. I had a thorough discussion with our captain, Tamim Iqbal, and we mutually planned the way forward. I had to leave Bangladesh for a… pic.twitter.com/kmPqPt1nxv
شعیب ملک کی ٹیم فارچون باریشال کے ترجمان کا کہنا ہے کہ شعیب کو اگلے میچ سے پہلے واپس آنا تھا لیکن اب انہوں بتایا ہے کہ وہ 4 فروری کو آئیں گے، ٹیم سمجھتی ہے کہ بہتر ہے شعیب ملک مزید نہ کھیلیں۔
علاوہ ازیں شعیب ملک کے میچ فکسنگ میں مبینہ طور پر ملوث ہونے سے متعلق خبروں پر بنگلادیش پریمیئر لیگ کی ٹیم فارچون باریشال کے مالک کا بیان بھی سامنے آیا تھا۔
مالک فارچون باریشال میزان الرحمان نے اپنے بیان میں کہا کہ شعیب ملک کے خلاف میچ فکسنگ سے متعلق چلنے والی خبریں بے بنیاد ہیں، شعیب ملک ایک اچھے کرکٹر ہیں، انہوں نے ہماری ٹیم کے لیے بہترین کھیل پیش کیا ہے۔مالک فارچون باریشال نے مزید کہا کہ شعیب ملک ایک سینئر کرکٹر ہیں ہمیں ان کی عزت کرنی چاہیے اور وہ عزت کرنے کے لائق ہیں۔