ویب ڈیسک: اسٹیٹ بینک آف پاکستان کے زرمبادلہ ذخائر میں ایک کروڑ 60 لاکھ ڈالر کا اضافہ ہوا ہے۔ ترجمان کے مطابق اسٹیٹ بینک کے ذخائر بڑھ کر 15 ارب 90 کروڑ 20 لاکھ ڈالر تک پہنچ گئے ہیں۔

دوسری جانب کمرشل بینکوں کے زرمبادلہ ذخائر میں 8 کروڑ 20 لاکھ ڈالر کی کمی ریکارڈ کی گئی، جس کے بعد ان کے ذخائر کم ہو کر 5 ارب 12 کروڑ ڈالر رہ گئے ہیں۔

کمرشل بینکوں کے ذخائر میں کمی کے باعث ملکی مجموعی زرمبادلہ ذخائر میں 6 کروڑ 60 لاکھ ڈالر کی کمی ہوئی ہے، جس کے بعد مجموعی ذخائر 21 ارب 8 کروڑ ڈالر سے کم ہو کر 21 ارب 2 کروڑ ڈالر کی سطح پر آ گئے ہیں۔