سٹی 42:سپیکر قومی اسمبلی سردار ایاز صادق قائم مقام صدر پاکستان مقرر  ہوگئے ۔

کابینہ ڈویژن نے سردار ایاز صادق کا نوٹیفکیشن جاری کردیا۔ 

صدر مملکت آصف علی زرداری بیرون ملک دورے پر جارہے ہیں ۔  صدر مملکت  کے بیرون ملک ہونے پر عموما قائم مقام صدر چیئرمین سینٹ   کو بنایا جاتا ہے ۔ چونکہ  چئیرمین سینٹ یوسف رضاء گیلانی بھی ملک سے باہر ہیں تو  اس لیے  سپیکر قومی اسمبلی  سردار ایاز صادق قائم مقام  صدر پاکستان مقرر ہوئے ہیں ۔

واضح رہے صدر مملکت کی واپسی تک  سردار ایاز صادق قائم  مقام  صدر کی ذمہ داریاں نبھائیں گے ۔