(سٹی 42) قومی احتساب بیورو لاہور نے ریسکیو 1122 میں کروڑوں کے گھپلوں کے معاملے پر نیب نے ریسکیو 1122 کے تین افسران کو آج طلب کرلیا۔
تفصیلات کے مطابق ریسکیو 1122 بھی نیب کے ریڈار پر آگیا۔ نیب نے ریسکیو 1122 میں کروڑوں کے گھپلے کے معاملے پر تحقیقات کیلئے ریسکیو کے تین افراد کو طلب کرلیا جبکہ نیب نے ڈی جی رضوان نصیر سے ٹھیکوں کا ریکارڈ بھی طلب کرلیا۔
ذرائع کے مطابق نیب نے احمد میڈیکس کمپنی کو دیئے گئے ٹھیکوں کا ریکارڈ بھی مانگ لیا۔ آگ بجھانے والے آلات اور گاڑیاں مہنگے داموں خریدی گئیں۔