وقاص عظیم :ایشیائی ترقیاتی بینک (اے ڈی بی) نے پاکستان کے لیے 4 کروڑ 80 لاکھ ڈالر کے اضافی قرض کی منظوری دے دی ہے۔
اے ڈی بی کے مطابق یہ رقم بلوچستان میں آبی وسائل اور آب پاشی کے نظام کو بہتر بنانے کے منصوبوں پر خرچ کی جائے گی۔
اعلامیے میں بتایا گیا ہے کہ قرضے کی رقم بلوچستان میں سری توئی ڈیم کے کمانڈ ایریا میں آب پاشی کے نظام کی بہتری اور مرمت کے لیے استعمال ہوگی، جب کہ منصوبے کے تحت علاقے میں نئی واٹر سپلائی لائنز بچھائی جائیں گی۔
اے ڈی بی کے مطابق رقم چھوری انفلٹریشن منصوبے پر بھی خرچ کی جائے گی، جو بجٹ کی کمی کے باعث تاخیر کا شکار تھا۔
ادارے نے واضح کیا کہ بلوچستان آبی وسائل منصوبے کے لیے اضافی فنڈز فراہم کرنے کی منظوری دے دی گئی ہے۔