حفظہ یعقوب:امریکی ریاست فلوریڈا کےشہر اورلینڈو کےآئی سیون پارک میں دل دہلا دینے والا حادثہ پیش آیا ہے۔
تفصیلات کے مطابق امریکی ریاست فلوریڈاکے شہر اورلینڈو کے آئی سیون پارک میں تفریحی کمپلیکس میں خوفناک حادثے کی ویڈیو سوشل میڈیا پر وائرل ہورہی ہے ۔
ویڈیو میں دیکھا جا سکتا ہےکہ نوجوان131 میٹر ٹاور کے جھولےمیں خوشگوار موڈ میں بیٹھے ہیں جہاں پارک انتظامیہ سب کے سیٹ بیلٹ چیک کرکے جھولے کو اوپر کی جانب بھیجتے ہیں۔جونہی جھولا برق رفتاری سے اوپر سے نیچے کی جانب آتا ہےتو14 سالہ سمپسن تقریبا40 فٹ کی بلندی سے نیچے آن گرتا ہے۔سمپسن کو ہسپتال لے جایا گیا، جہاں وہ زخموں کی تاب نہ لاتے ہوئے چل بسا۔واقعے کی دل دہلا دینے والی ویڈیو منظر عام پر آگئی۔
‼️A 14-year-old boy has died after falling from the Free Fall ride at ICON Park. Happened Thursday. #ORLANDO pic.twitter.com/xdGTH2kFl7
— JJ (@Joshuajered) March 25, 2022
اس حوالے سے پولیس کا کہنا ہے کہ حادثے کی تحقیقات کا آغاز کردیا گیا ہے معلوم کرنے کی کوشش کررہے ہیں کہ واقعہ حادثہ تھا یا جان بوجھ کر کیا گیا .