ویب ڈیسک : امریکی صدر جو بائیڈن نے کہا کہ یوکرین پر روسی حملے کی صورت میں واشنگٹن روسی صدر ولادی میر پوتین پر بھی ذاتی پابندیاں عائد کر سکتا ہے۔
رپورٹ کے مطابق امریکی صدر جو بائیڈن نے ایک صحافی کے سوال کہ کیا حملہ ہونے کی صورت میں وہ خود صدر پوتین پر بھی پابندیاں عائد کرنے کے امکانات دیکھتے ہیں؟ جواب دیا ہے کہ "ہاں، میں اسے دیکھوں گا۔"
President Joe Biden said that he would consider imposing direct sanctions on President Vladimir Putin if Russia invades Ukraine, as Western leaders stepped up preparations for any Russian military action in Ukraine https://t.co/aVQTLSqPWu pic.twitter.com/ozVNa5FlfA
— Reuters (@Reuters) January 25, 2022
ان کا یہ تازہ بیان ایسے وقت سامنے آیا ہے جب یوکرین کی سرحد کے آس پاس موجود روسی جنگی دستوں نے اپنی مشقیں شروع کر دی ہیں۔ تاہم روس کا کہنا ہے کہ وہ یوکرین پر حملہ نہیں کرے گا۔
صدر جو بائیڈن نے کہا کہ یوکرین پر روسی در اندازی دوسری عالمی جنگ کے بعد "سب سے بڑا حملہ" بن سکتا ہے۔ انہوں نے کہا، "یہ دنیا کو بدل کر رکھ دے گا۔"
بائیڈن کا مزید کہنا تھا کہ ان کا یوکرین کے اندر امریکی فوجیوں کو بھیجنے کا "کوئی ارادہ نہیں ہے۔" انہوں نے کہا کہ پوتین جو بھی اقدام کریں گے اس کے سنگین معاشی نتائج برآمد ہوں گے تاہم اس کا انحصار اس بات پر ہے کہ وہ کیا اقدامات کرتے ہیں۔
یادرہے گذشتہ روز پینٹاگان نے کہا تھا کہ یوکرین کشیدگی کے پیش نظر ساڑھے آٹھ ہزار امریکی فوجیوں کو "سخت الرٹ" پر رکھا گیا ہے۔