ویب ڈیسک: نیپرا کے نوٹس پر بجلی تقسیم کار کمپنیوں (ڈسکوز) نے نیٹ میٹرنگ درخواستوں کی رجسٹریشن سے متعلق اپنا جواب تیار کر لیا ہے۔
ڈسکوز ذرائع کے مطابق نیٹ میٹرنگ کی نئی درخواستوں کی رجسٹریشن بند نہیں کی گئی بلکہ صارفین کو مینوئل طریقہ کار کے بجائے آن لائن پورٹل کے ذریعے درخواست دینے کی ہدایت کی جا رہی ہے۔
ذرائع کے مطابق نئے صارفین پی آئی ٹی سی نیٹ میٹرنگ پورٹل کے ذریعے اپنی درخواستیں جمع کرا رہے ہیں، جہاں درخواست جمع ہوتے ہی صارف کو رجسٹریشن نمبر اور درخواست وصول ہونے کی تاریخ فوری طور پر فراہم کر دی جاتی ہے۔