ویب ڈیسک: روس کے علاقے امور میں گیس کیمیکل پلانٹ میں آتشزدگی کے نتیجے میں 6 چینی شہریوں سمیت 7 افراد ہلاک ہوگئے جبکہ 9 چینی کارکن لاپتا ہیں۔

پلانٹ انتظامیہ کے مطابق امور کے گیس کیمیکل پلانٹ میں اچانک آگ بھڑک اٹھی، جس کے نتیجے میں 7 افراد جان سے ہاتھ دھو بیٹھے میڈیا رپورٹس کے مطابق حادثے میں 152 افراد کو طبی امداد فراہم کی گئی، جن میں سے 36 زخمیوں کو ہسپتال منتقل کیا گیا۔ زخمیوں کو ہسپتال پہنچانے کے لیے ہیلی کاپٹر بھی استعمال کیے گئے۔

امور کا گیس کیمیکل پلانٹ روس اور چین کی کمپنیوں کے اشتراک سے چلایا جا رہا ہے، تاہم پلانٹ نے تاحال پیداوار شروع نہیں کی۔