عابد چودھری: ڈی ایس پی خرم چیمہ  کی زیر نگرانی لاہور ہائی کورٹ میں ہنگامی مشقوں کا انعقاد کیا گیا، جس کا مقصد سیکیورٹی اداروں کی تیاری اور فوری ردعمل کا جائزہ لینا تھا۔

تفصیلات کے مطابق مشقوں میں اولڈ انارکلی پولیس، بم ڈسپوزل سکواڈ، ریسکیو 1122، ایلیٹ فورس سمیت دیگر اداروں نے حصہ لیا۔

اس دوران فرضی دہشت گردوں کو قابو کرنے اور کسی بھی ہنگامی صورتحال سے نمٹنے کا عملی مظاہرہ کیا گیا۔ مشقوں کے ذریعے مختلف اداروں کے درمیان کوآرڈینیشن اور ریسپانس ٹائم کا بھی جائزہ لیا گیا۔

ایس پی سول لائنز کا کہنا تھا کہ ایسی مشقوں کا مقصد پولیس ریسپانس کو مزید بہتر بنانا اور کسی بھی ممکنہ خطرے سے مؤثر انداز میں نمٹنے کی صلاحیت کو بڑھانا ہے۔