ویب ڈیسک : وزیرآباد میں ٹرک اور موٹرسائیکل کے درمیان ہونے والے خوفناک تصادم میں 4 افراد جاں بحق ہوگئے۔

ریسکیو حکام کے مطابق وزیرآباد میں جی ٹی روڈ پر ٹرک نے موٹر سائیکل سوار فیملی کو ٹکر مار دی، جس کے نتیجے میں 2 بچوں اور خاتون سمیت 4 افراد موقع پر جاں بحق ہوگئے، تاہم حادثے میں ایک خاتون زخمی ہوئی ہے۔ 

ریسکیو حکام کا کہنا ہے کہ موٹر سائیکل سوار فیملی گوجرانوالہ سے گجرات جا رہی تھی۔ حادثےمیں جاں بحق ہونے والوں میں 22 سالہ دانش، 20 سالہ کومل، 4 سالہ عبدالوہاب اور 2 سالہ بچی شامل ہے۔ لعشوں اور زخمی خاتون کو ہسپتال منتقل کر دیا گیا ہے۔