ویب ڈیسک:محکمہ جنگلات پنجاب نے نایاب پرندوں او ر پاڑہ ہرن کے گوشت کی غیرقانونی سمگلنگ میں ملوث مافیا کے خلاف بڑی کارروائی کی ہے۔
 محکمہ جنگلات اور جنگلی حیات کے عملے نے خفیہ اطلاع پر کارروائی میں ہنس نسل کی44 بطخیں بھی برآمد کرلیں گئی ہیں۔ وزیراعلی مریم نوازشریف کی ہدایت پر سائیبریا سے ہجرت کرنے والے آبی پرندے ’بارہیڈڈ گیز‘ کل (بدھ کو) آزاد کئے جایئں گے۔

رپورٹ کے مطابق تمام پرندے نہایت صحت مند ہیں، محکمہ جنگلات اور جنگلی حیات کی ٹیم کی پرندوں کے معائینہ کے بعد بارہیڈڈ گیزکو کالا خطائی کے نیشنل پارک سے فضا میں چھوڑا جائے گا۔

غیرقانونی دھندے میں ملوث دو ملزمان کے خلاف ایف آئی آر بھی درج کرلی گئی جبکہ کارروائی پنجاب وائلڈ لائف ایکٹ2025کی خلاف ورزی پر کی گئی ہے۔

وائلڈ لائف ایکٹ 2025 کے تحت جانوروں اور پرندوں کے غیرقانونی سمگلنگ کا جرم ناقابل ضمانت ہے۔