مانیٹرنگ ڈیسک: بھارت میں موبائل فون کے استعمال کے دوران فون چہرے کے قریب پھٹنے سے 8 سالہ بچی ہلاک ہوگئی۔
بھارتی میڈیا کے مطابق یہ واقعہ بھارتی ریاست کیرالہ میں پیش آیا جہاں رات کے وقت 8 سالہ بچی موبائل فون استعمال کررہی تھی۔
پولیس کے مطابق بچی کے موبائل فون استعمال کرنے کے دوران فون اس کے چہرے کے قریب پھٹ گیا جس سے اس کا چہرا بری طرح متاثر ہوا، بچی کو فوری طبی امداد کے لیے اسپتال منتقل کیا گیا جہاں وہ دوران علاج چل بسی۔
پولیس کا بتانا ہےکہ بچی تیسری جماعت کی طالب علم تھی۔