اویس کیانی :وفاقی وزیر اطلاعات عطا تارڑ نے ایکس پر ایک ویڈیو جاری کرتے ہوئے آپریشن ’’غضب للحق‘‘ سے متعلق تفصیلات بیان کرتے ہوئے کہا ہے کہ طالبان حکومت کے زیرِ کنٹرول علاقوں میں 10 مقامات پر دہشت گردوں کے ٹھکانوں اور معاون انفراسٹرکچر کے خلاف درست فضائی اور ڈرون حملے کئے گئے۔
عطا اللہ تارڑ کے مطابق کارروائی کے دوران ڈرون لانچنگ اور ذخیرہ کرنے کے مقامات سمیت دہشت گردوں کے ٹھکانوں اور معاون انفراسٹرکچر کو تباہ کیا گیا۔
Update-Ghazab lil Haq
— Attaullah Tarar (@TararAttaullah) September 24, 2026
Islamabad, 24 September 2026;
Through precise aerial and drone strikes as seen in attached clip, terrorist hideouts and support infrastructure including drone launching and storage sites across 10 locations in areas under the control of Afghan Taliban… pic.twitter.com/6CrgV4SzSw
وفاقی وزیر اطلاعات نے دعویٰ کیا کہ طالبان حکومت کے زیرِ کنٹرول 10 مقامات پر کارروائی میں پاکستان میں غیر مسلح شہریوں کے خلاف دہشت گرد حملوں سے منسلک اہداف کو نشانہ بنایا گیا۔ان کے مطابق 23 ستمبر کو افغان طالبان حکومت کی جانب سے کی گئی مبینہ ناکام ڈرون دراندازی سے منسلک اہداف کو بھی کارروائی میں نشانہ بنایا گیا۔
عطا تارڑ کا کہنا تھا کہ پاکستان بیرونی سرپرستی، پناہ یا معاونت رکھنے والے دہشت گرد پراکسیز کے خطرے کے خلاف اپنی علاقائی سالمیت کا دفاع جاری رکھے گا۔انہوں نے کہا کہ پاکستان اپنے شہریوں کی جان و مال کے تحفظ کے لیے ہر ضروری اقدام جاری رکھے گا۔