ویب ڈیسک: سینیئرصحافی اور اینکر ارشد شریف کی اہلیہ کا کہنا ہے کہ ارشد شریف کوکینیا میں گولی مار کر  قتل کیا گیا ہے۔

ارشد شریف کی اہلیہ جویریہ صدیق کا کہنا ہے کہ پولیس کے مطابق انہیں گولی ماری گئی ہے۔تاحال ارشد شریف کے قتل کے واقعے سے متعلق مزید تفصیل سامنے نہیں آسکی تاہم کینیا کی مقامی پولیس کی جانب سے واقعے کی تحقیقات کی جا رہی ہیں۔

I lost friend, husband and my favourite journalist @arsched today, as per police he was shot in Kenya.
Respect our privacy and in the name of breaking pls don't share our family pics, personal details and his last pictures from hospital.
Remember us in ur prayers. pic.twitter.com/wP1BJxqP5e

— Javeria Siddique (@javerias) October 24, 2022

واضح رہے کہ سینیئر صحافی اور اینکر ارشد شریف کچھ روز پہلے دبئی سے لندن بھی گئے تھے۔

واضح رہے اس سے قبل اطلاعات تھیں کہ سینیئر صحافی اور اینکر پرسن ارشد شریف کینیا میں حادثے میں جاں بحق ہوگئے ہیں جبکہ فیملی ذرائع اور ساتھیوں کی جانب سے ارشد شریف کی موت کی تصدیق کردی گئی تھی تاہم فوری طور پر واقعے کی مزید تفصیل معلوم نہیں ہوسکی تھی۔

اب ارشد شریف کی اہلیہ جویریہ صدیق کا کہنا ہے کہ کینیا کی پولیس کے مطابق ارشد شریف کو گولی ماری گئی ہے۔