دورِ نایاب: لاہور ڈیولپمنٹ اتھارٹی (ایل ڈی اے) نے اپنے ملازمین کو ایمپلائز کوٹہ کے تحت پلاٹ دینے کا عمل شروع کر دیا ہے۔

 اس فیصلے کے مطابق وہ ملازمین جو کم از کم 10 سال سروس مکمل کر چکے ہیں، انہیں ایل ڈی اے سٹی میں پلاٹس الاٹ کیے جائیں گے۔

ایل ڈی اے کے ایڈمنسٹریشن ونگ نے اس مقصد کے لیے لسٹیں تیار کرنا شروع کر دی ہیں۔ ملازمین کو یہ پلاٹ دینے سے ان کا دیرینہ مطالبہ پورا ہوگا اور 2010 کے کینسل بیلٹنگ الاٹمنٹس کے تحت 1250 سے زائد ملازمین کو ریلیف حاصل ہوگا۔

پلاٹس کی کیٹیگری میں 3 مرلہ، 5 مرلہ، 7 مرلہ، 10 مرلہ اور ایک کنال شامل ہیں۔

ذرائع کے مطابق کچھ ملازمین نے پہلے ہی عدالت میں ایل ڈی اے کے خلاف کیس دائر کر رکھا ہے، جس کے بعد ایل ڈی اے اتھارٹی نے ایڈیشنل ڈی جی ہاؤسنگ کی سربراہی میں کمیٹی تشکیل دی ہے تاکہ عمل درآمد کو یقینی بنایا جا سکے۔