(وقاص احمد) فیکٹری ایریا کے علاقے میں کٹی پتنگ کی ڈور پھرنے سے 20 سالہ نوجوان جاں بحق ہوگیا۔
تفصیلات کے مطابق لاک ڈاؤن کے حکومتی اقدامات جوتے کی نوک پر رکھتے ہوئے شہریوں نے گھروں میں رہنے کے احکامات پر عمل درآمد کی بجائے قانون شکنی شروع کر دی، فیکٹری ایریا کے علاقے میں پتنگ کی ڈور سے نوجوان جاں بحق ہوگیا، ڈی آئی جی آپریشنز نے پتنگ بازی کنٹرول نہ کرنے پر ایس ایچ او کو معطل کر دیا۔
20 سالہ نوجوان نوید راٹھور موٹرسائیکل پر جا رہا کٹی پتنگ کی ڈور نے آلیا. زخمی نوجوان کو طبی امداد کیلئے جنرل ہسپتال منتقل کیا مگر جاں بحق ہوگیا پولیس نے پتنگ اڑانے والے کی تلاش شروع کر دی تاہم ڈی آئی جی آپریشنز رائے بابر سعید نے غفلت اور لاپرواہی برتنے پر ایس ایچ او فیکٹری ایریا انسپکٹر رانا ارحم کو معطل کر دیا.