ویب ڈیسک: سابق فاسٹ بولر سرفراز نواز نے پاکستانی بولرز کو ریورس سوئنگ سکھانے کے لیے بلامعاوضہ خدمات پیش کردیں۔
سابق فاسٹ بولر سرفراز نواز نے ایشیا کپ اور ورلڈ کپ سے پہلے پاکستانی بولرز کو ریورس سوئنگ سکھانے کے لیے بلامعاوضہ خدمات پیش کردیں۔ لندن میں مقیم ریورس سوئنگ کے موجد کہلانے والے سرفراز نوز نے چیئرمین پی سی بی مینجمنٹ کمیٹی ذکا اشرف کے نام خط میں تین ہفتوں کے لیے اپنی دستیابی سے آگاہ کر دیا ہے۔
سرفراز نواز نے خط میں لکھا ہے کہ وہ چند دنوں میں پاکستان کے دورے پر آرہے ہیں اور اس دوران وہ پاکستانی بولرز کی کوچنگ کے لیے تین ہفتوں کا وقت نکال سکتے ہیں۔ انہوں نے واضح کیا کہ اس کا کوئی پیسہ نہیں لوں گا صرف سفری اور قیام کے اخراجات برداشت کرنا ہوں گے۔ پاکستانی فاسٹ بولرز کو فائن ٹیون کرکے مزید بہتر پرفارمنس لی جاسکتی ہے۔