ویب ڈیسک: ربیع الثانی 1447 ہجری کا چاند دیکھنے کے لیے مرکزی رویت ہلال کمیٹی کا اجلاس آج اسلام آباد میں ہو گا۔
اجلاس کی صدارت چیئرمین مرکزی رویت ہلال کمیٹی مولانا سید محمد عبد الخبیر آزاد کریں گے۔
ذرائع کے مطابق ملک بھر میں زونل اور ضلعی رویت ہلال کمیٹیوں کے اجلاس بھی اپنے اپنے مقررہ مقامات پر منعقد ہوں گے، جہاں سے موصول ہونے والی چاند نظر آنے یا نہ آنے کی شہادتوں کو مرکزی کمیٹی کے ساتھ شیئر کیا جائے گا۔
مرکزی کمیٹی ان شہادتوں کی تصدیق کے بعد ربیع الثانی کے چاند سے متعلق حتمی اعلان کرے گی۔