ایمان مزاری نے شہباز گل کو چپ کرادیا

Shahbaz Gill / Imaan Zainab Mazari
Shahbaz Gill / Imaan Mazari

ویب ڈیسک: وفاقی وزیر شیریں مزاری کی صاحبزادی ایمان زینب مزاری نے بھانجی کہنے پر وزیراعظم عمران خان کے معاون خصوصی شہباز گِل کو کرارا  جواب دیا ہے۔

ایمان مزاری نے ٹوئٹر پر شہباز گل کو ٹیگ کرکے حکومت کو تنقیدکا نشانہ بناتے ہوئےکہا کہ اگر حکومت چلانے کے قابل ہوتے تو عوام کو ہر وقت مذہب کا درس نہ دے رہے ہوتے بلکہ اپنی کارکردگی دکھا رہے ہوتے۔

جواب میں شہبازگل نے ایمان کو بھانجی کہتے ہوئےکہا کہ آپ ہماری بھانجی ہیں، آپ کا منجن اپنی والدہ کے اردگرد موجود لوگوں کو برا بھلا کہنے میں بکتا ہے،  آپ سے رشتہ ایسا ہے کہ آپ کو کیا جواب دیا جائے۔

اس پر ایمان مزاری نےکہا کہ ان کی والدہ کے اردگرد جو لوگ ہیں وہ اُن کا انتخاب ہے، اس کا مطلب ہرگز  نہیں کہ میں آپ کی بھانجی ہوں ، اپنے ٹرولز کی طرح 'ماما' والا منجن مت بیچیں۔