ویب ڈیسک: امریکہ کے سپر اسٹور میں فائرنگ سے 6 افراد ہلاک ہوگئے۔

تفصیلات کے مطابق یہ واقعہ ورجینیا کے چیسپیک شہر میں تھینکس گِونگ ڈے منانےکی چھٹی سے قبل پیش آیا، جہاں وال مارٹ سپر اسٹور میں فائرنگ سے 6 افراد ہلاک ہوگئے۔

پولیس کے مطابق واقعے میں حملہ آور  بھی مارا گیا، پولیس نے واقعے میں 6 افراد کی ہلاکتوں کی تصدیق کی ہے۔پولیس کا کہنا ہے کہ  انہیں یقین ہے کہ حملہ آور ایک ہی تھا جو ہلاک ہوگیا ہے تاہم پولیس نے یہ واضح نہیں کیا کہ مشتبہ حملہ آور کی موت کیسے ہوئی۔

وال مارٹ انتظامیہ نے اپنے بیان میں اس المناک واقعے پر صدمے کا اظہار کیا ہے۔